Бұл бөлімдегі қауіпті және зиянды өндірістік факторлардың анықтамалары, тәуекелдерді анықтау тәсілдері мен бақылау шаралары мына құжаттарға негізделген:

1. Халықаралық еңбек ұйымының жерасты көмір өндіру кезіндегі еңбекті қорғау жөніндегі практикалық нұсқаулығы.
2. «Ашық кен жұмыстарындағы еңбек қауіпсіздігі және денсаулықты қорғау. Екінші басылым.»
3. Қазақстан Республикасы Инвестициялар және даму министрінің 2014 жылғы 30 желтоқсандағы № 351 «Көмір шахталарының қауіпті өндірістік объектілері үшін өнеркәсіптік қауіпсіздікті қамтамасыз ету қағидаларын бекіту туралы» бұйрығы.

Картада Еңбек тәуекелдерінің цифрлық картасында тіркелген деректер көрсетіледі. Ақпарат жазатайым оқиғалар немесе кәсіптік аурулар тіркелген меншік нысанына қарамастан барлық заңды тұлғалар бойынша ұсынылады.

Өлшем бірлігі – өндірістік жарақат жағдайы, яғни өндірістегі бір оқиға кезінде жарақат алған бір адам туралы деректер.

Кенеттен болған оқиға – жұмыскерге немесе жіберуші тараптың жұмыскеріне еңбек (қызмет) міндеттерін немесе жұмыс беруші мен қабылдаушы тараптың тапсырмаларын орындау кезінде зиянды және/немесе қауіпті өндірістік фактордың әсер етуі, нәтижесінде өндірістік жарақат, денсаулықтың кенет нашарлауы немесе улану болып, уақытша немесе тұрақты еңбек қабілетін жоғалтуға немесе өлімге әкелген жағдай.